Charter Document - 03169143
| Charter Number: | 03169143 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1238 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presens scriptum pervenerit Edmundus permissione divina Cantuar archiepiscopus tocius Anglie primas salutem in domino Ad memoriam revocantes pietatis obsequia que monasterium Pontinacen predecessoribus nostris beato Thome matiri et pre memorie Stephani archiepiscopis Cantuar in exilio constitutis habundanter et libenter impendit inspecta etiam diligenter carta prefati Stephani predecessoris nostri in qua continetur ipsum dicto monasterio Pontin ac viris religiosis in eadem deo servientibus de ecclesia de Rumenal nomine beneficii quinquagenta marchas annuas intuitu dei concessisse pariter et dedisse nos eadem caritate ducti adiunximus dedimus et concessimus fratribus memorati monasterii Pontin decem marchas annuas sterlingorum bonorum et legalium ad pitanciam conventus in refectorio de eadem ecclesia de Rumenal nomine beneficii a quolibet rectore dicte ecclesie qui pro tempore fuerit sub pena amissionis beneficii sui perpetuo sine difficultate sibi in festo nativitatis sancti Iohannis baptiste persolvendas ita plane quos si ipse rector in prefato termino a solutione dictarum decem marcharuma cessaverit et infra quadraginta dies post statutum terminum de dampnis pariter et expensis quas dicti fratres occasione non facte solutionis meurrerint una cum solutione debita decem marcharum non satisfecerit eisdem dictam penam meurrat Ad maiorem etiam securitatem prefati monasterii vestigiis supradicti Stephani predecessoris nostri inherentes qui de quinquaginta marcias in carta sua eidem monasterio talem securitatem concessit providimus et statuimus ut quilibet rector in ecclesia de Rumenal successive instituendus in sua institutione vel postea cum requisitus fuerit procuatore Pontin sollempniter iuret coram domino archiepiscopo Cantuar vel eius officiali si ipse archiepiscopus ageret extra regnum quod dictas decem marchas in termine statuto procuratores Pontin persolvet sub pena superius memorata Ut hec nostra donatio perpetuum optineat firmitatem eam presenti scripto sigilli nostri appositione munito duximus roborandum Actum anno domini millesimo ducentesimo tricesimo octavo