Charter Document - 03169042
| Charter Number: | 03169042 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1237 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Venerabili in Cristo patri et amico karissimo dei gracia Wigorn episcopo Otto miseracione divina sancti Nicholai in carcere Tullian diaconus cardinalis apostolice sedis legatus salutem in domino Litteras domini pape recepimus sub hac forma [] Huius igitur auctoritate mandati discretum virum magistrum Petrum de Burdell clericum nostrum ad prefatum monasterium de Cornebir nuper duximus destinandum qui voluntate monialium ibidem degentium singillatim et diligencius inquisita repperiit quod preter duas omnes volunt iuxta mandatum apostolicam beati Augustini regulam profiteri ac in ea grata obsequia domino exhibere prout tam ex fideli relatione prefati magistri quam ex litteris inde constitutis ipsius monasterii et fratrum minorum Hereforden et Wigorn sigillis munitis didiscimus evidenter Nos igitur de prudencia vestra obtinentes fiduciam pleniorem paternitati vestre qua fungimur auctoritate mandamus quatinus accedentes personaliter ad monasterium supradictum et predictas sorores que volunt beati Augustini regulam profiteri ab observancia ordinis hospitalis Ierusalimitan penitus absolventes post ipsarum habitum depositum et professionem receptam concedatis eisdem ut iuxta provisionem summi pontificis secundum iam dictam regulam ibi vivere valeant et dignum domino reddere famulatum prefati hospitalis et cuiuslibet alterius in omnibus aliis iure salvo contradictores per censuram ecclesiasticam compescendo Dat apud Certeseya vii kal Novembris pontificatus domini Gregorii pape noni anno undecimo