Charter Document - 03160175
| Charter Number: | 03160175 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1243 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus presens scriptum inspecturis vel audituris Walterus de Cantilupo dei gratia Wyg episcopus eternam in domino salutem Noverit universitas vestra quod cum inter dilectos filios nostros priorem et conventum Wigorn ex una parte et Th de Ienestone rector ecclesie de Stoke ex altera super omnibus decimis de dominico suo in villa de Stok de quo prius decimas non solverunt coram iudicibus delegatis a papa questio mota fuisset et aliquatenus coram eis in causa esset processum Demum lis inter eos amicabili compositione nomine ecclesiarum conquievit in qua continebatur quod dictus prior eta conventus solvent in perpetuum decimas totius illius campi qui vocatur la Cruffling dicte ecclesie de Stoke et de reliquo eorum dominico in eadem villa de quo antea decimas non solverunt in perpetuum a prestatione decimarum erunt immunes Istam autem compositionem a partibus factam quam scriptam sigillisque partium pro se et successoribus signatam inspeximus ratam habentes auctoritate diocesana confirmamus In cuius rei testimonium presenti scripto sigillum nostrum fecimus apponi Dat in festo Epiphanie apud Blokelegh anno domini MCCXLII