Charter Document - 03160173
| Charter Number: | 03160173 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1239 |
| Date type: | Internal, Calendar, Episcopal |
| Resource Link(s): |
|
Charter:
Universis Cristi fidelibus hoc presens scriptum visuris vel audituris Walterus dei gratia Wygorn episcopus eternam in domino salutem Quoniam bona que locis religiosis conferuntur non tantum in usus ibidem deo famulantium convertantur verum etiam ad sustentationem pauperum et peregrinorum deputantur ex officii nostri debito loca talia tenemur paterna affectione tractare et eisdem subveniendo ea brachiis caritatis arcius amplexari Hinc est quod divine pietatis intuitu in favorem religionis et hospitalitatis augmentum dilectis in Cristo filiis priori et conventui Wyg auctoritate pontificali de consensu rectorum ecclesiarum quibus cura parochianorum incumbit concedimus et confirmamus decimas quas ab antiquo percipere consueverunt in parochiis infrascriptis secundum quod eas hactenus possederunt Videlicet in parochiis de Bradewas et de Grimel et de Hallawe de Seggesberewe de Uverbir de Cropthorn de Humelton de Wyk Episcopi de Wycheneford de Herfortun de Clive Prioris de Bremesgrave Concedimus etiam eis ecclesiam dicti manerii de Bremesgrave cum omnibus pertinentiis suis in proprios usus salva vicaria perpetuo possidenda quam equidem ecclesiam predecessor noster eis prius concesserat ut in instrumento super hoc confecto plenius continetur Pensiones etiam ecclesiarum quas predecessor noster eis confirmavit auctoritate predicta duximus confirmandas Ut autem hec nostra concessio perpetue firmitatis robur optineat hoc presens scriptum sigilli nostri munimine duximus roborandum Datum apud Cirencestr undecima kal Decembris anno pontifcatus nostri tertio