Charter Document - 03160167
| Charter Number: | 03160167 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1262 |
| Date type: | Internal, Regnal, Feast |
| Resource Link(s): |
|
Charter:
Anno regni regis Henrici filii regis Iohannis xlvi die mercurii proxima post festum sancti Michaelis facta fuit hec conventio inter venerabilem patrem W dei gratia Wigorn episcopum ex parte una et Willelmum filium Gilberti de Ablynton ex altera videlicet quod predictus Willelmus procurabit cum effectu quod teneat terram de la Rugge de dicto domino episcopo sine aliquo medio et hoc infra mensem post Pascha proxime sequens quo facto dictus dominus episcopus recipiet homagium suum de predicto tenemento et faciet ei talem securitatem qualem magistri Thomas de Cantilupo et W de Poywyk providebunt secundum legem terre faciendam Et tunc restituetur eidem Willelmo carta sua quam habet dictus dominus episcopus de ipso de centum solidis prestandis ab ipso Willelmo post mortem suam et ita de herede in heredem et de assignato in assignatum ipsius Willelmi post mortem cuiusque ipsi domino episcopo et successoribus suis imperpetuum solvendis Quod si dictum medium omnino tolli procurare non poterit ita quod teneat predictam terram de la Rugge de dicto domino episcopo infra predictum tempus in capite predicta carta de centum solidis predicti Willelmi signata et penes priorem Wigorn de concessu utriusque partis deposita sine contradictione aliquo predicto domino episcopo restituetur firma et inconcussa permanente obligatione quinquaginta marcarum et unius dolei vini quam habet idem episcopus de predicto Willelmo ita quod post solutionem dictarum quinquaginta marcarum factam cum predicto doleo vini predicta obligatio eidem Willelmo immediate restituetur Et ut hec conventio rata et stabiliter permaneat huic scripto in modum cyrographum confecto dictus dominus episcopus parti penes dictum Willelmum remanenti sigillum suum apposuit et dictus Willelmus parti penes dictum dominum episcopum remanenti sigillum suum apposuit Hiis testibus domino Ricardo tunc priore Wigorn domino Ricardo tunc priore Minor Malvernie magistris Thoma de Cantilupo Willelmo de Poywyk W de Vienn tunc officiale domini episcopi Thoma senescallo domini episcopi et aliis