Charter Document - 03160150
| Charter Number: | 03160150 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1253 |
| Date type: | Internal, A.D. |
| Resource Link(s): |
|
Charter:
Domino Roberto capellano domino Matheo de Cantilupo Henrico clerico de Aston et aliis omnibus sancte matris ecclesie filiis Walterus divina miseratione Wyg ecclesie minister humilis salutem in domino Quia pium est subvenire locis sacris et viris religiosis sustentatione proprio subsidio destitutis et illis potissime qui caritatis opera exercentes bona sibi a deo collata omni communicant postulanti nos qui fructus operum misericordie ex officio nobis iniuncto augmentare tenemur dilectorum filiorum prioris et conventus de Stodeley dicte diocesis nostre circa predicta opera pium propositum pariter et indigentiam attendentes ecclesiam de Aston cum suis pertinentiis de consensu et expressa voluntate domini Willelmi de Cantilupo tertii veri patroni et magistri Thome de Cantilupo rectoris eiusdem divine caritatis intuitu ad sustentationem hospitum et pauperum hospitalitatem extra portum dicti prioratus divinum cultum et misericordie opera amplianda appropiavimus et eandem ipsis contulimus in usus proprios convertendam Ordinantes auctoritate pontificali et de rectoris consensu ut dicti prior et conventus dimidiam marcam argenti annuatim percipiant nomine pensionis et possessionis per manus prefati rectoris de ecclesia supradicta ita quod eodem rectore cedente vel decedente dictam ecclesiam per se ingredi possint superiori consensu nostro requisito Predictam siquidem concessionem et ordinationem nostram ratam esse volumus atque firmam nobis tamen et successoribus et ecclesiis nostris Wyg episcopali et archidiaconali in omnibus iure salvo salva etiam vicaria taxata in ecclesia memorata ad quam dicti prior et conventus cum eam vacare contigerit presentabunt In cuius rei testimonium presenti scripto sigillum nostrum una cum sigillis dicti rectoris duximus apponenda Actum apud Tichefeld anno domini millesimo CCL tertio mense Iulii