Charter Document - 03160141
| Charter Number: | 03160141 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Letters Patent |
| Date: | 1249 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis vel audituris Walterus miseratione divina Wygorn ecclesie minister humilis salutem in domino Universitati vestre notum facimus quod cum dilecti in Cristo filii R dei gratia abbas Persor et eiusdem loci conventus nobis libera voluntate concessissent quod nos cedente vel decedente magistro A rectore ecclesie sancti Petri Wigorn eandem ecclesiam libere conferre possemus cuicumque vellemus in prima vacatione tantummodo et nos eandem dilecto clerico nostro magistro Waltero de Vyenna contulimus rationis concessionis predicte Nolumus quod nos vel successores nostri possint inposterum aliquod ius vendicare in iure patronatus dicte ecclesie ratione collationis quam fecimus subsequentibus vacationibus plene habeant dicti abbas et conventus de Persor ius patronatus dicte ecclesie sancti Petri non obstante aliqua reclamatione vel contradictione a nobis vel successoribus nostris facta vel facienda In cuius rei testimonium has litteras patentes eis dedimus nostro signatas Datum die mercurii in ebdomada Pasche anno gratie MCCXLIX