Charter Document - 03160138
| Charter Number: | 03160138 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Letters Patent |
| Date: | 1250 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus ad quos presens scriptum pervenerit Walterus dei gratia Wigorn episcopus salutem in domino Universitati vestre notum facimus quod cum nos tam auctoritate ordinaria quam ex speciali indulgentia nobis ab apostolica sede concessa citari fecissemus ad nostram presentiam dilectos in Cristo filios abbatem et conventum de Persora quod venirent ostensuri privilegia siqua haberent super pensionibus possessionibus et decimis quas contra ius commune in nostra diocesi optinebant videlicet super perceptione omnium decimarum garbarum in ecclesia et parochia de Bradewei exceptis centum thravis frumenti et duarum partium decimarum in ecclesia de Aldermonston exceptis Cotlondis et omnium decimarum garbarum de dominico abbatis in Lega et duarum partium decimarum eiusdem ville ac super perceptione pensionis unius marce in eadem ecclesia de Lega ac duarum partium decimarum in ecclesia de Mathina excepta ordinatione facta rectori loci per dominum Vincentium archidiaconum auctoritate episcopali et duarum partium decimarum garbarum de dominico abbatis in Coulega necnon et super perceptione decimarum in ecclesia sancti Andree et parochia sancte crucis in Persora ac earumdem capellis et parochiis et villis adiacentibus circa Persoram videlicet Magna Cumbrinton Nafford Burlingham Ekinton Strengesham Piplinton Newinton Flavel Ladbriton tandem dicti abbas et conventus per procuratorem in nostra presentia constituti exhibuerunt instrumenta bone memorie Wigorn episcoporum et eiusdem loci capituli super predictis Nos autem eisdem instrumentis inspectis et tam iure quam possessione dictorum abbatis et conventus super omnibus predictis diligenter investigatis et de iuris peritorum consilio ponderatis attendentes eos sufficienter munitos consentientibus etiam rectoribus singularum parochiarum predictarum omnia et singula supradicta eisdem auctoritate pontificali confirmamus imperpetuum pacifice possidenda In cuius rei testimonium has litteras nostras patentes eis dedimus sigillo nostro signatas Dat anno domini MCC quinquagesimo apud Kemesey pridie kal Aprilis