Charter Document - 03160131
| Charter Number: | 03160131 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Proposal |
| Date: | 1263 |
| Date type: | Internal, A.D. |
| Resource Link(s): |
|
Charter:
Discreto viro et amico suo karissimo domino W de Mereton domini regis cancellario W divina miseratione Wygorn ecclesie minister humilis salutem et quicquid potest amicicie et honoris Cum teneamur circa ea que tranquillitatem et pacem regni respicere debeant totis viribus laborare et domini Lincolnien Lond et Coventr et Lichefeld episcopi cum quadam forma pacis ad dominum regem et dominum Edwardum ex parte baronum mittantur ex desiderio intimi cordis nostri consequende pacis cogimur vos rogare Quatinus cum nobis videatur quod forma illa satis sit competens et honesta ob domini regis honorem et regni tranquillitatem cum omni diligencia laborare velitis ut dominus rex et dominus Edwardus ad iminens et formidandum periculum evitandum dictam formam velint sine impedimento quolibet acceptare Valete Dat die apostolorum Petri et Pauli anno domini MCCLX tertio