Charter Document - 03160130
| Charter Number: | 03160130 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, A.D., Feast |
| Resource Link(s): |
|
Charter:
Universis Cristi fidelibus W divina miseratione Wigorn episcopus salutem in domino sempiternam Cum Robertus quondam vicarius ecclesie de Marttelegg viam sit universe carnis ingressus nos considerantes quod dilectus in Cristo filius Willelmus rector eiusdem ecclesie residentiam facit in ordine sacerdotali in predicta ecclesia personalem portionem ipsam quam vicarius predictus in ecclesia prefata percipere consuevit cum personatu eiusdem ecclesie consolidavimus eamque ad rectorem de iure pertinere debet perpetualiter duximus declarandam statuentes ut dictus W eandem personam cum rectoria ut preduximus consolidatam suo perpetuo pacifice possideat et quiete In cuius rei testimonium has nostras litteras patentes eidem duximus concedendas Datum apud Plockelegg in crastino Sancti Thome anno domini MCCLX quinto