Charter Document - 03160129
| Charter Number: | 03160129 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1242 - 1266 |
| Date type: | Assigned |
| Resource Link(s): |
|
Charter:
Universis Cristi fidelibus W divina miseratione Wygorn ecclesie minister humilis salutem in domino Noverit universitas vestra quod cum bone memorie W de Bleys Wygorn episcopus predecessor noster de consensu capituli sui caritatis intuitu contulisset sororibus leprosis hospitalis de Bradel et fratribus in eodem loco deo servientibus annuum redditum xx marcarum in ecclesia de Kidermunistr eisdem per manum rectorum ipsius ecclesie qui pro tempore fuerint persolvendum nos de assensu patroni et expressa voluntate Rogeri de Essey rectoris illius ecclesie sororibus et fratribus memoratis certas decimas in parochia de Kidermunistr pro dicto annuo redditu xx marcarum duximus assignandas et easdem pontificali autoritate inperpetuum confirmandas videlicet omnes decimas garbarum et feni omnium terrarum que sunt in predicta parochia infra Sabrinam et Sturam in parte occidentali exceptis tantummodo decimis garbarum et feni que ad villam de Mutton pertinere dinoscuntur et exceptis decimis provenientibus de terris quas burgenses de Kidermunistr tenent in feodo inter Sabrinam et Sturam in parochia memorata Nolumus tamen quod sorores et fratres supradicti aliquas decimas percipiant de terris in predicta parochia futuris temporibus asartandis sed eas ad matricem ecclesiam volumus pertinere Et ut hec assignatio et confirmatio nostra perpetuis temporibus stabilis et firma permaneat eam presenti scripto et sigilli nostri munimine duximus roborandam Hiis testibus Waltero de Colingha senescallo magistro Ricardo de Fraxino Ricardo de Coventr et multis aliis