Charter Document - 03160128

Universis presentes litteras inspecturis H London W Wigorn episcopi S de Monteforti comes Leycestrie et senescallus Anglie Hugo de Despenser iusticiarius Anglie Humfridus de Boun iunior H de Monteforti S de Monteforti iunior Adam de Novo Mercato Petrus de Monteforti Radulfus Basset de Sapecot Baldewinus Wake Robertus de Roos Willelmus le Blund Willelmus Marescallus Walterus de Coleville Ricardus de Grey Willelmus Bandof Ricardus de Tany Henricus de Hastinges Iohannes filius Iohannis Robertus de Veteri Ponte Iohannes Vescy Nicholaus de Segrave Galfriddus de Lucy salutem in domino Cum super provisionibus ordinationibus statutis et obligationibus omnibus Oxonie et super omnibus contentionibus et discordiis inter dominum nostrum regem Anglie illustrem et nos occasione provisionum ordinationum seu statutorum huiusmodi subortis in dominum Ludovicum regem Francie illustrem sub certa forma compromisimus quia ad persequiendum huiusmodi compromissi negotium aliis occupati personaliter intendere non possumus dominos Humfridum de Bohun Henricum de Monteforti Petrum de Monteforti Adam de Novo Mercato Willelmum le Marescallum Willelmum le Blund et magistros Thomam de Cantilupo Galfridum de Cuberle et Henricum de Branceston clericos procuratores nostros facimus et constituimus ad faciendum petendum et recipiendum pro nobis nomine nostro quicquid idem negotium requirit dantes eisdem plenam potestatem et mandatum speciale obligandi nos omnes et prestandi omnem securitatem quam dictus dominus Rex Francie ordinare voluerit quod nos dictum ipsius firmiter observabimus bona fide et omnia faciendi que si presentes essemus facere possemus et deberemus Damus etiam eisdem specialem potestatem consentiendi ac conveniendi nomine nostro quod si postquam dictus dominus Rex protulerit dictum suum aliqua ambigua vel obscura ex verbis in dicto suo contentis emerserint idem dominus Rex ambigua huiusmodi interpretandi et obscura declarandi semel et pluries usque ad festum omnium sanctorum plenam habeat potestatem Et promittimus ratum habere et firmum quicquid per eosdem procuratores in premissis nomine nostro actum fuerit seu procuratum Volumus autem quod si predictorum aliqui casu aliquo predictis exsequendis non interfuerint quatuor vel quinque ipsorum quos interesse contigerit plenam in premissis omnibus habeant potestatem Datum London die lune in vigiliam circumcisionis domini anno eiusdem MCCLX tercio Et in testimonium premissorum nos London et Wygorn episcopi iusticii Anglie et Ricardus de Grey predicti de voluntate omnium predictorum et ipsorum mandato speciali presentibus sigilla nostra apposuimus