Charter Document - 03160125
| Charter Number: | 03160125 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1261 |
| Date type: | Internal, A.D., Feast, Lunar |
| Resource Link(s): |
|
Charter:
Egregio principi et domino suo reverendo domino Ludivico dei gratia Francorum regi illustri Walterus miseratione divina Wigorniensis episcopus Simon de Monteforti comes Leycestrie Rogerus Vigod comes Northfolk et marescallus Anglie Richardus de Clara comes Gloucestrie et Hereford Iohannes comes Warenn et Hugo dictus Vigod salutem et paratam ad beneplacita voluntatem Sciatis domine quod de omnibus conventionibus et querelis quas dominus noster rex Anglie facit nobis et aliis gentis sue et nos sibi est ab eodem domino nostro rege et nobis in vos totaliter compromissum ita quod quicquid excellentie vestre inde dicere placuerit alto et basso firmum et stabile habeatur Quare serenitati vestre regie humiliter supplicamus instanti et devoto precamine requirentes quatenus attendentes desolationem dissipationem et iacturam irreparabilem que imminent toti terre ita quod per aliquem alium post deum quam per vos solum vitari nequeant ullo modo vobis placeat recipere onus illud Datum prope Londonum die lune ante festum beate Margarete anno domine millesimo ducentesimo sexagesimo primo