Charter Document - 03160121

Omnibus Cristi fidelibus Walterus miseratione divina Wigornien ecclesie minister humilis in domino salutem Ut ad laudem nominis dei ac devotionem populi sanctorum nomina tanto maiori proferantur honore quanto longius ac diffusius salubriter agnoscuntur nos de dei misericordia et de beate Marie virginis sanctorumque omnium meritis confidentes omnibus vere penitentibus et confessis qui in ecclesia beati Nicholai in macello London devota mente convenerint et de bonis sibi a deo collatis ad sustentationem divini obsequii circa altare in honore beati Wolstani in ecclesia memorata constructum ac operis eiusdem ecclesie aliqua impenderint subsidia caritatis parochianis videlicet nostris et aliis quorum diocesani hanc nostram indulgenciam ratam habuerint decem dies de iniuncta sibi penitencia misericorditer relaxamus Nolumus autem quod presentes littere per questuarios aliquatenus transmittantur Dat London die beati Vincencii martiris anno domini millesimo ducentesimo quinquagesimo secundo