Charter Document - 03160120

Universis Cristi fidelibus Walterus de Cantilupo divina miseracione Wygornien ecclesie minister humilis salutem in domino Cum de consensu et voluntate dilecti in Cristo filii magistri Thome rectoris ecclesie de Newynton pro utilitate prioratus Minoris Malvernii et religionis augmento eorum possessionum et facultatum tenuitate inspecta necnon considerato onere in quo dicti prior et conventus ad sustentacionem cuiusdam capellani divina pro anima bone memorie Willelmi de Bleys predecessoris nostri et successorum suorum in carnaria Wygorn celebrantis quem in quinque marcis annuis exhibere tenentur attento etiam onere anniversarii nostri patris et nostri ad que facienda dicti prior et conventus se voluntarie obligarunt concesserimus ipsis priori et conventui subscriptas decimas in parochia de Newynton dicto rectore cedente vel decedente annis singulis percipiendas et in usus proprios convertendas videlicet decimas quatuordecim virgatarum terre de tenementis templariorum videlicet Rogeri de Acte et hominum suorum et decimas quatuordecim virgatarum terre de tenementis tenentium de feodo Baldewyni de Hertford in villa de Newynton prout in litteris nostris quas dictis priori et conventui fieri fecimus super hoc plenius continetur dictusque rector pro utilitate et securitate dictorum prioris et conventus eisdem libere concesserit nostro mediante assensu quod ipsi dictarum decimarum possessione uterentur ad tempus prout continetur in quodam scripto inter eosdem de nostro consensu super hoc confecto ac prior et conventus predicti de nostra ordinacione concesserint dicto magistro Thome pro utilitate eiusdem omnes prefatas decimas suo perpetuo pro quinque marcis annuis tenendas ad firmam et pacifice possidendas prout in quodam scripto inter dictos priorem et conventum et dictum magistrum Thomam super hoc confecto plenius continetur Nos volentes quod ea et singula que in premissis ex nostro assensu ac ordinatione nostra acta sunt sine dolo cavillacione et fraude quibuslibet bona fide ex utraque parte servata robur obtineant firmitatis taliter de consensu dictorum prioris et conventus ac rectoris predicti duximus ordinandum videlicet ut idem rector scilicet magister Thomas predictus omnes prefatas decimas ad firmam teneat a prefatis priore et conventu pro quinque marcis annuis suo perpetuo pacifice possidendas reddendo inde annuatim dictis priori et conventui vel eorum dicto nuncio in ecclesia de Newynton duas marcas et dimidiam infra octabas natalis domini et duas marcas et dimidiam infra octabas Pasche resurrectionis dominice et sic de anno in annum sub eisdem terminis quamdiu vixerit et dictam ecclesiam tenuerit quinque marcas Ita videlicet quod prefato magistro Thoma cedente vel decedente liceat prefatis priori et conventui possessionem dictarum decimarum propria auctoritate ingredi et de eisdem alicuius successoris dictas marcas irrequisito assensu disponere pro eorundem libito voluntatis et neccessarie habebunt vacante ecclesia talem personam idoneam presentare qui sit sacerdos vel qui in brevi velit et valeat in presbiterum ordinari et in dicta ecclesia debitam residentiam facere personalem Et si contingat prefatos priorem et conventum predictum magistrum Thomam in aliquo super possessione aut proprietate dictarum decimarum inquietare nisi ipsi infra octo dies a decano loci vel officiale archidiaconi Glouc qui pro tempore fuerit sufficienter moniti ab huiusmodi inquietacione omnino desistant et ablata restituant extunc ipso facto cadant a iure decimarum omnium predictarum et ab eisdem si neccessarie fuerit per loci diocesanum vel eius officialem vel per archidiaconum Glouc sede vacante penitus expellantur nisi de novo tam diocesani gratiam quam dicti rectoris per restitutionem dictarum decimarum plenariam et satisfactionem de dampnis expensis et interesse condignam meruerint obtinere Quod si forte contingat prefatum magistrum Thomam in aliquo termino predictorum a solucione prefate firme cessare nisi infra mensem post monitionem sibi a decano loci vel officiale archidiaconi Glouc sufficienter factam de predicta firma et arreragiis si que fuerint cum dampnis et expensis interesse predictis priori et conventui plenarie satisfecerit predictam firmam omnino amittat et lo[]at ex tunc ipsis priori et conventui possessionem dictarum decimarum propria auctoritate ingredi et easdem pacifice possidere nisi iterum in novo idem magister Thomas ipsorum gratiam cum gratia loci diocesani supradicta firma per satisfactionem debitam meruerit obtinere Et ne dictam ordinacionem nostram aliquis valeat infirmare nos eam in premissis omnibus de consensu et voluntate capituli nostri Wygornie auctoritate pontificali ratificamus et confirmamus et presens scriptum sigilli nostri munimine roboramus Dat apud Leukenore die translationis sancti Martini confessoris et pontificis anno domini millesimo ducentesimo sexagesimo