Charter Document - 03160119
| Charter Number: | 03160119 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1237 |
| Date type: | Internal, A.D., Calendar |
| Resource Link(s): |
|
Charter:
Walterus dei gratia Wygorn episcopus universis ecclesie fidelibus salutem in domino sempiternam Ex officio nobis iniuncto tenemur cura et sollicitudine pastorali subditis nostris providere et precipue viris religiosis quorum conversatio pre aliis est honestior et que a predecessoribus nostris deo et ministris sancte ecclesie canonice conferuntur ordine successoris firma et illibata conservare ne per lapsum temporis seu vetustatem munimentorum veritas depereat rei geste Donationem siquidem concessionem et libertatem quas venerabilis predecessor noster Maugerius episcopus Wigorn deo et ecclesie beati Egidii Minorie Malvern et monachis eiusdem loci donavit et scripto et sigillo suo confirmavit de una quercu annuatim habenda in bosco Malvern et sufficienti focali ad coquinam suam ad pistrinum ad bracinum et ad cetera necessaria domus sue in perpetuum et nos pariter eisdem monachis et successoribus in perpetuum auctoritate pontificali confirmamus Ad perpetuam gestorum memoriam sigillum nostrum presenti scripto apponi fecimus Hiis testibus Hugone archidiacono de Salopsur magistro Thoma Folioth Petro Giffard Thoma de Gayron Iohanne de Hampton et multis aliis Datum apud Wyg v kal Decembris anno domini MCCXXX septimo