Charter Document - 03160114

Universis Cristi fidelibus presens scriptum visuris vel audituris Walterus miseratione divina Wygorn episcopus salutem in domino sempiternam Cum viri religiosi abbas et conventus de Troarn omnia bona que habuerunt in Anglia excepta terra illa quam habuerunt in insula que dicitur Heyring ordinationi nostre mere et absolute duxerint supponenda prout inspectione scripture eorundem plenius poterat apparere ac nos omnia bona ipsa excepta terra ipsa de insula priori Briwton et conventui eiusdem loci contulerimus plenarie et integre intuitu caritatis reservata nobis potestate plenarie ordinandi in premissis prout in scriptura nostra super hoc confecta plenius continetur comparuit prior de Briwton pro se et conventu suo in crastino translationis sancti Benedicti abbatis anno gratie MCC sexagesimo secundo in ecclesia conventuali beati Augustini Bristoll nobis humiliter supplicans et devote ut secundum deum ordinaremus in premissis Nos vero habito iuxta peritorum consilio deum habentes pre oculis sic incepimus ordinare videlicet quod dictus prior Briwton nobis canonicum ydoneum ad curam et regimen et administrationem prioratus de Horseleg cum pertinentiis presentaret idemque prior discretum virum Stephanum canonicum suum nobis presentavit ad prioratum predictum ipsumque admisimus ad eandem curam sibique administrationem spiritualium et temporalium committendam ac prestita nobis prius obedientia canonica ab eodem decrevimus ipsum in corporalem possessionem dicti prioratus cum pertinentiis per officialem archidiaconi Glovernie fieri inducendum reservata nobis pleniori et ulteriori potestate super dicto prioratu cum vacare poterimus ordinandum ita tamen quod prius fiat denunciatio dicto priori de Briwton quod dicte ordinationi intersit si sibi viderit expedire Hec acta fuerit in presentia dominorum Edwardi decani Wellensis Roberti de Hareville thesaurarii Sar Iohannis de Axebrug subdecani Wellensis Walteri de Vienne officialis nostri Walteri dicti Scamel canonici Sarum et aliis