Charter Document - 03160070
Charter Number: | 03160070 |
---|---|
Cartulary Title: | Worcester 1218-1268 Volume 13 |
Charter Language: | Latin |
Charter Origin: | Religious |
Charter Type(s): | Bond |
Date: | 1264 |
Date type: | Internal, A.D., Feast |
Resource Link(s): |
|
Charter:
Universis presentes litteras inspecturis W[alterus] dei gratia Wygorn episcopus salutem in domino Noverit universitas vestra nos mutuo recepisse et habuisse pro nostris et ecclesie nostre gravibus et arduis negotiis et magnis necessitatibus utiliter expediendas apud Lond Reynuo Abbos solvente et munerante tam pro se quam pro Mayneto Spine Eustichello Ramby ac aliis eorum sociis omnibus mercatoribus Florentinis ducentos marcas novorum bonorum et legalium sterlingorum tres decem solidos et quatuor denarios sterlingorum pro marca qualibet computandos de qua pecunia nomine nostro et ecclesie nostre bene nos vocamus quietos et integre protestamur pagatos ac ipsam pecuniam in usus et utilitatem nostram et ecclesie nostre firmiter protestamur et confitemur esse conversam exceptione non numerante et non solute non tradite nobis pecunie omnino renuntiantes quas pretaxata cc marcas sterlingorum predicto modo et numero computandas nomine nostro et ecclesie promittimus et tenemur per licentiam stipulatam reddere et solvere dictis mercatoribus vel uni eorum aut eorum certo nuntio has litteras deferenti apud Novum Templum London in festo natalis beate Marie virginis anno domini MCC sexagesimo quarto Si vero dicta pecunia sicut dictum est predictis loco et termino non fuerint integre persoluta et reddita et ex tunc in autem nomine nostro et ecclesie promittimus et tenemur per antedictam stipulationem dare et solvere dictis mercatoribus vel uni eorum aut eorum certo misso per singulos duos menses pro singulis decem marcis predictis unam marcam dicte monete pro recompensatione dampnorum interesse et expensarum et expensas unius mercatoris cum equo et serviente ubicumque fuerit mercator usque ad solutionem integram totius pecunie memorate Expensas insuper factas et faciendas tam in iudicio quam extra iudicium pro dicta pecunia recuperanda reddemus et restaura bimus eisdem Credemus autem eis vel uni eorum aut eorum certo nuntio super dictis dampnis et expensis per simplex verbum suum tamen sine iuramento et alia probatione nec computabimus dictas expensas in sortem dicte debite nec retinebimus dictum debitum sub pretextu recompensationis predicte contra voluntatem dictorum mercatorum ultra terminum antedictum Pro quibus omnibus et singulis observandis et adimplendis obligamus nos et ecclesiam nostram et successores nostros et omnia bona nostra et ecclesie nostre mobilia et immobilia et ecclesiastica et mundana presentia et futura ubicumque fuerint inventa dictis mercatoribus et sociis ac[] eorundem que Lond ab eis pretaxato nomine recognoscimus possidere usque ad solutionem integram et omnium predictorum renuntiantes in hiis omnibus et singulis pro nobis et ecclesia nostra et successoribus nostris et omnia iuris auxilio tam moniti et [] civilis privilegio clericatus et fori epistole divini Adriani omni consuetudini et statuto omnibus hiis indulgentiis et privilegiis a sede apostolica et a curia regia impetratis et impetrandis et specialiter indulgentie sedis apostolice Anglicis concesse qua cavetur ne Anglici extra Angliam trahantur in causam per litteras dicte sedis constitutioni de duabus dictis []edite in concilio generali et omnibus aliis exceptionibus iuribus et defensionibus personalibus et realibus que nobis ecclesie nostre et successoribus nostris possent prodesse et dictis mercatoribus nocere vel que possent obici contra premissa volumus autem super hiis omnibus et singulis in omni loco libere conveniri et ad iudicium trahi Omnia autem supradicta et singula promittimus bona fide in verbo veritatis et sacerdoti firmiter tenere observare et adimplere ac in nullo contravenire et cuilibet dictorum mercatorum in solidum vel procuratori unius eorum potest petere et recipere totum dictum debitum sine procuratione aliorum sociorum suorum In cuius rei testimonium presentibus litteris nostrum sigillum apposuimus Dat London in festo translationis sancti Thome martiris anno domini MCC sexagesimo quarto