Charter Document - 03160062
Charter Number: | 03160062 |
---|---|
Cartulary Title: | Worcester 1218-1268 Volume 13 |
Charter Language: | Latin |
Charter Origin: | Religious |
Charter Type(s): | Notification |
Date: | 1237 - 1249 |
Date type: | Assigned |
Resource Link(s): |
|
Charter:
Universis Cristi fidelibus Walterus de Cantilupo divina miseratione Wygorn episcopus salutem in domino Noverit universitas vestra nos divine pietatis intuitu et sancte religionis optentu dilectis in Cristo filiis abbati et conventui beate et gloriose virginis Marie Cyrencestr ecclesiam sancti Johannis Cyrenc cum capellis et omnibus aliis pertinentiis ad eandem ecclesiam spectantibus quam multis retroactis temporibus quorum non extat memoria cum dictis suis pertinentiis pacifice possedisse dinoscuntur in usus proprios concessisse et eandem cum predictis capellis et omnibus aliis pertinentiis auctoritate pontificali de consensu capituli nostri Wigorn eisdem abbati et conventui imperpetuum confirmasse ita videlicet quod dicti abbas et conventus omnia onera dicte ecclesie consueta et debita sustinebunt salvis nobis et successoribus nostris et archidiaconis loci iure pontificali et parrochiali et aliis oneribus ordinariis et consuetis sustinendis et prestandis ab abbate et conventu predictis salva etiam in omnibus Wigorn ecclesie dignitate Ut autem hec nostra concessio et confirmatio perpetue robur obtineat firmitatis eam presentis scripti testimonio et sigilli nostri appositione fecimus roborari Hiis testibus magistro Ricardo thesaurario Lichesfeld magistro Nicholao de Widebroc rectore ecclesie de Stratford magistro Waltero de Vienne tunc officiali Wigorn dominis Nicholao de Radl rectore ecclesie de Upton Willelmo capellano rectore ecclesie de Iccumba Willelmo de Shoredich rectore ecclesie de Kinemeresford Willelmo de Kemesia rectore ecclesie de Utlicote magistro Thoma de Diss rectore ecclesie sancti Nicholai Wigorn et Willelmo de Hornleg clerico et aliis