Charter Document - 03160054
| Charter Number: | 03160054 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1259 |
| Date type: | Internal, A.D., Feast |
| Resource Link(s): |
|
Charter:
Hec est conventio facta inter dominum Walterum de Cantelup episcopum Wigorn ex una parte et Ricardum de Brutly de Eston ex altera videlicet quod idem Ricardus concessit et tradidit predicto domino episcopo unam culturam terre sue in Estone que vocatur Bencroft que se extendit ad gardinum eiusdem Ricardi et totum pratum suum in Salthbrok quod iacet inter croftam Willelmi Milksop et Benhull quod iacet in duabus parcellis quarum una iacet iuxta pratum Roberti de Bracy et altera iacet iuxta pratum monialium Wigorn habendam et tenendam predictam culturam et pratum predictum de predicto Ricardo et heredibus suis predicto domino episcopo et successoribus suis vel suis assignatis libere quiete et pacifice a festo sancti Michaelis anno gratie millesimo ducentesimo quinquagesimo nono usque ad terminum duodecim annorum proximo sequentium completorum Et pro hac concessione et traditione dedit predictus dominus episcopus predicto Ricardo pre manibus ad negotium suum quinque marcas sterlingorum scilicet totam firmam totius termini predicti Predictus autem Ricardus et heredes sui predicto domino episcopo et successoribus suis vel suis assignatis totam culturam predictam et pratum predictum cum suis pertinentiis contra omnes homines et feminas usque ad finem termini predicti warantizabunt defendent et acquietabunt in omnibus et post finem termini predicti tota cultura predicta cum prato predicto ad predictum Ricardum vel ad heredes suos sine omni contradictione et impedimento predicti domini episcopi vel successorum suorum vel suorum assignatorum libere revertetur In cuius rei testimonium tam predictus dominus episcopus quam predictus Robertus huic presenti scripto ad modum cyrographi inter ipsos bipartito sigilla sua mutuo apposuerunt Hiis testibus domino Iohanne de Piriton Roberto de Bracy Ricardo de Estone clerico Radulfo de Eston Iohanne de Crokeberge Roberto de la Folye Iordano de Cudeleg et aliis