Charter Document - 03160050

Universis sancte matris ecclesie filiis ad quos presens scriptum pervenerit Walterus de Cantilupo divina miseratione Wygorn episcopus eternam in domino salutem Noverit universitas vestra nos diligentem inquisitionem fecisse per viros fide dignos et iuratos super compositione facta inter dilectos in Cristo filios abbatem et conventum de Bordesle ex una parte et abbatem et conventum Castellionis per fratrem Radulfum procuratorem suum eo tempore priorem de Wotton ex altera utrum dicta compositio cederet in comodum et utilitatem utriusque ecclesie de Bordesle et Castellionis qui omnes iurati duxerunt quod dicta compositio cedit in comodum et utilitatem utriusque ecclesie Videlicet quod dictus procurator abbatis et conventus Castellionis concessit nomine eorundem quod abbas et conventus de Bordesle omnes decimas omnium possessionum quas habuerunt tempore huius compositionis in territorio de Burle integre et pacifice sine aliqua contradictione vel diminutione inperpetuum retineant et ab earundem prestatione sint immunes exceptis decimis unius virgate terre que fuit Gerardi filii Wiilelmi de Burle et alterius virgate terre que fuit Hugonis fratris Iohannis de Burle et unius acre terre in Sinal Porn Putte que fuit Iohannis de Burle et unius acre terre super Wlwardinghul que fuit Thome Gery Insuper concessit nomine abbatis et conventus Castellionis quod abbas et conventus Bordesle integre percipiant inperpetuum decimas octo acrarum de suo antiquo tenemento quas Nicholaus de Vado de Eadricheston tenuit et aliarum septem acrarum apud Pathe Lowe pro quarum escambio Willelmus filius Thome Gery de Burle de totidem acris solvit decimas ecclesie de Wotton Dabunt autem pro bono pacis dicti abbas et conventus de Bordesle abbati et conventui Castellionis vel corum assignato apud Wotton annuatim inperpetuum unam marcam argenti in festo sancti Michaelis sub pena dupli Si autem aliqua casu contingat quod non liceat abbati et conventui de Bordesle uti libere et quiete possessione dictarum decimarum concessit dictus procurator nomine abbatis et conventus Castellionis quod liceat eos ex tunc interim cessare a solutione iam dicte marce et pene donec plenaria et pacifica gaudeant possessione dictarum decimarum salva nihilominus abbati et conventui de Bordesle petitione expensarum occasione compositionis et pacis non observate factarum post hanc initam compositionem Hanc igitur compositionem inter dicta monasteria initam dictus procurator abbatis et conventus Castellionis nomine eorundem duxit concedendam et inperpetuum ratam habendam reservata de suo assensu nomine abbatis sui et conventus Castellionis et insuper alterius partis assensu episcopo Wigorn qui pro tempore fuerit vel eius officiali potestate compellendi partes ad huius compositionis inviolabilem observationem et ad expensarum solutionem cum dampni estimatione Si quas vero terras alias in territorio de Burle in posterum dicti abbas et conventus de Bordesle adquisierint dabunt inde integre decimas ecclesie de Wotton Et ad maiorem securitatem litteras suas procuratoris dictus procurator resignavit in manus abbatis de Bordesle In huius rei testimonium utraque pars alternatim signavit presens scriptum sigilli sui appositione Actum anno gratie millesimo ducentesimo quadragesimo Nos igitur hanc dictam compositionem inter dicta monasteria Castellionis et Bordesle initam et perpetuo duraturam auctoritate pontificali confirmamus et presens scriptum sigilli nostri impressione coroboramus