Charter Document - 03160040
| Charter Number: | 03160040 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1218 - 1263 |
| Date type: | Assigned |
| Resource Link(s): |
|
Charter:
Domino excellentissimo in Cristo karissimo H dei gratia illustri regi Anglie domino Hybernie duci Normannie Aquitannie et comiti Andegavie W divina miseracione Wigorn episcopus salutem et regie serenitati debitam in omnibus reverenciam Noverit excellencia vestra Ricardum Scot parochianum nostrum de Wigorn in excommunicacionis sententia fere per annum perdurasse qui per ecclesiasticam cohercionem non vult emendari Unde excellenciam vestram rogamus attencius quatinus per regiam et laicam potestatem secundum regni consuetudinem ipsum choherceri faciatis id vicecomiti Wigorn precipientes ut eum sicut debet iusticiet Valeat in domino vestra serenitas