Charter Document - 03160038
| Charter Number: | 03160038 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1218 - 1263 |
| Date type: | Assigned |
| Resource Link(s): |
|
Charter:
Reverendo domino H dei gratia illustri regi Anglie domino Ibernie duci Normannie comiti Andegavie et Aquitannie W divina permissione Wigorn episcopus salutem et tam devotam quam debitam cum fidelitate reverentiam Excellentie vestre duximus significandum quod cum causa matrimoniali mota inter Avic mulierem et Rogerum de An quem ipsa petebat in virum coram nobis diu verteretur et ipse R tandem sententialiter forma iuris in omnibus observata dicte A tanquam vir eius adiudicatus fuisset sepedictus R iudicio ecclesiastico nolens obtemperare contumaciter recessit unde sententiam excommunicationis in eum rationabiliter tulimus qui in eadem per quadraginta dies et amplius obstinaciter perduravit Inde est quod excellentie vestre humiliter supplicamus et devote quatinus vicecomiti Warewik in mandatis dare velitis ut sepedictum R secundum dignitatem vestram et consuetudinem regni iusticiari faciat Valeat excellentia vestra semper in domino