Charter Document - 03160036
| Charter Number: | 03160036 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1236 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presens scriptum inspecturis vel audituris Willelmus de Bleys divina permissione Wigorn episcopus eternam in domino salutem Ad universitatis vestre notitiam volumus pervenire quod cum ecclesia de Bremesgrave vacaret per mortem Willelmi de Furnell quondam rectoris eiusdem nos ad petitionem domini regis qui de gratia sua advocationem dicte ecclesie priori et conventui Wigorn in puram et perpetuam elemosinam contulerat pro anima bone memorie domini I patris sui cuius corpus in ecclesia Wigorn requiescit eandem ecclesiam de Bremesgrave dictis priori et conventui in usus proprios convertendam caritative contulimus et auctoritate pontificali confirmavimus Ita tamen quod de consensu dictorum prioris et conventus assignavimus sacristario Wigorn capellam de Grafton que est capella dicte ecclesie de Bremesgrave pro decem marcis annuis quas de dicta ecclesia debebat percipere ad inveniendum cereos circa tumulum dicti domini I Preterea assignavimus decem marcas ad infirmitorium Wigorn de dicta ecclesia annuatim percipiendas et tres marcas conventui ad pitanciam die anniversarii dicti domini I Totum residuum assignavimus ad sustentationem hospitum et pauperum ad dictam domum confluentium salva perpetua vicaria quam in eadem ecclesia de consensu eorundem prioris et conventus ordinavimus salvo etiam nobis et successoribus nostris in dicta ecclesia tam iure pontificali quam parochiali In cuius rei testimonium presens scriptum sigilli nostri appositione duximus roborandum Hiis testibus magistro Matheo de Grimel W de Tinton persona de Kem W de Tiwe R de Buckingham magistris W de Mill persona de Bredon I vicario de Hampton Monialium Anketillo Ricardo de Compton Gilberto de Lindes clericis et aliis