Charter Document - 03160031

Omnibus sancte matris ecclesie filiis presens scriptum inspecturis vel audituris Willelmus de Bleys divina miseratione Wigorn episcopus salutem in domino Ad universitatis vestre notitiam volumus pervenire quod cum inter nos ex una parte et dominum W priorem et conventum nostrum Wigorn ex altera super capella sancte Helene Wigorn et eiusdem pertinentiis esset dissentio nos ad reprimendum discordie fomitem et bonum pacis reformandum de communi assensu nostro et dictorum prioris et conventus ordinationem memorate capelle cum eiusdem pertinentiis domino W de Tyntun rectori ecclesie de Kemes et magistro M de Grimeleye omni appellatione facta vel facienda remota commisimus Qui prehabita deliberatione et invocata spiritus sancti gratia ita ordinaverunt videlicet quod omnes proventus quocumque modo spectantes ad predictam capellam sancte Helene ex orientali parte Sabrine ad nos pertineant piis locis secundum considerationem nostram conferendi salvis vicariis in corpore capelle sancte Helene et in capella de Cleynes secundum quod nos in eisdem ordinavimus Omnes vero proventus quocumque modo spectantes ad dictam capellam sancte Helene ex occidentali parte Sabrine dictis priori et conventui in usus proprios ad hospitalitatem domus sue tantummodo convertendi pertineant salvis vicariis in capellis de Wik et de Wicheneford secundum quod ordinavimus in eisdem de sacerdotibus ydoneis nobis et successoribus nostris a predictis priore et conventu Wig successive presentandis salva etiam iurisdictione tam in capella sancte Helene quam in capellis predictis secundum quod fieri consuevit Omnia vero instrumenta si que predicti prior et conventus habent confecta contra tenorem predicte ordinationis omnino cassabuntur In huius rei testimonium presenti scripto sigillum nostrum apponi fecimus Valete