Charter Document - 03160030
| Charter Number: | 03160030 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1218 - 1224 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit Willelmus divina providentia Wigorn episcopus eternam in domino salutem Ad universitatis vestre notitiam volumus pervenire nos divine caritatis intuitu et sancte religionis optentu concessisse et dedisse deo et ecclesie beate Marie et sancti Kenelmi de Winchecumba et abbati et monachis ibidem deo servientibus ecclesiam de Schirburna ad hospitalitatis sustentationem et usus proprios convertendam ita videlicet quod dicti abbas et monachi habebunt duas partes decimarum omnium garbarum ad eandem ecclesiam spectantium salvis eisdem abbati et monachis omnibus decimis abbatis et villa de Schireburna quas ab antiquo habere consueverunt De toto autem residuo in omnibus ad dictam ecclesiam spectantibus quocunque modo pervenerit perpetuam vicariam in eadem ecclesia ordinavimus cum manso et terra eiusdem ecclesie ad opus vicarii qui pro tempore predictam vicariam optinebit Idem vero vicarius sustinebit omnia onera episcopalia debita et consueta In auxiliis vero episcopalibus et procuratione circa dedicationem ecclesie et ceteris huiusmodi tam predicta domus de Winchecumba quam vicarius pro portione sua onus sustinebit Ut autem hec nostra concessio et donatio firma et stabilis in perpetuum perseveret eam presenti scripto sigilli nostri appositione munito duximus confirmandam salvis nobis et successoribus nostris iure pontificali et parochiali et ecclesie Wigorn dignitate Hiis testibus magistro Roberto de Clyve Waltero capellano magistris Galfrido de Doddeford Marcello de Sewederie Willelmo de Tinton Willelmo de Milay Walerando Freberto clericis et multis aliis