Charter Document - 03160027
| Charter Number: | 03160027 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1218 - 1236 |
| Date type: | Assigned |
| Resource Link(s): |
|
Charter:
W dei gratia Wig episcopus dilecto in Cristo filio decano Warewik salutem gratiam et benedictionem Mandamus quatinus [] literis associatis tibi duobus vel tribus sociis d[]s vicinis personaliter accedatis ad priorem de Wtton ipsum ex parte nostra diligenter monendo et efficaciter inducendo ut ad cor reversus saniori satagat uti consilio satisfaciendo M rectoris ecclesie de Feldesl super hiis quod inter ipsos coram priore de Newenham et coniudicibus suis a domino papa delegatis deducta sunt in questionem vel saltem beneficium absolutionis sententie qua eum ligaverunt ab eis die citra sequens festum sancte Trinitatis impetrando Alioquin oportebit nos ab illo die iuxta tenorem mandati eorum die domino regi denuntiare memoratum priorem in sententia excommunicationis per quadraginta dies et multo amplius pertinaciter perstitisse ut saltem per brachium seculare cum decretis ecclesiasticis optemperare contempnat multiplicata ipsius prout iustum fuerit puniatur contumacia Hoc autem inviti faciemus vestri sicut honori suo et religionis sue honestati iudic[] expedire infra dictum terminum sibi provideat Valete et quia sigillum ad manus non habuimus presentibus literis sigillum magistri Marcelli fecimus apponi Valete