Charter Document - 03160018
| Charter Number: | 03160018 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1218 - 1235 |
| Date type: | Assigned |
| Resource Link(s): |
|
Charter:
Universis sancte matris ecclesie filiis presens scriptum inspecturis vel audituris Willelmus de Bleys divina miseratione Wygorn episcopus salutem in domino Ad universitatis vestre notitiam volumus pervenire quod nos inspectis instrumentis dilectorum in Cristo filiorum prioris et conventus de Lanthon iuxta Glouc et intellectis que quidem habent de ecclesia de Wyka optinenda et attendentes tam religiositatem quam hospitalitatem dicte domus predictis priori et conventui de Lanth dictam ecclesiam de Wyka cum pertinentiis suis requisito capituli nostri Wygorn assensu et optento in usus proprios convertendam caritative contulimus et auctoritate episcopali confirmavimus ita quod dictum beneficium tantum modo cedet ad sustentationem hospitum et pauperum dicte domus salva Magistro H de Brugges vicaria quam habet in eadem ecclesia secundum tenorem carte nostre eidem confecte salvo etiam tam nobis quam successoribus nostris iure pontificali et parochiali et salva in omnibus dignitate Wygorn ecclesie In huius rei testimonium presens scriptum sigilli nostri appositione duximus roborandum