Charter Document - 03160013
| Charter Number: | 03160013 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Royal Assent |
| Date: | 1234 |
| Date type: | Assigned |
| Resource Link(s): |
|
Charter:
Domino reverendo H dei gratia illustri regi Anglie domino Hybernie duci Normannie et Aquitannie comiti Andegavie W divina permissione Wygorn episcopus salutem et tam devotam quam debitam cum fidelitate reverentiam Litteras excellentie vestre recepimus continentes vos electioni facte de fratre Rogero de Rudby in abbatem domus de Persor assensum regium prebuisse et s[] et quod nos in hac parte quod ad nos pertinebat exequeremur Nos autem diligenti facta inquisitione super electione predicta cum eam iuxta Lateran statuta concilii canonice celebratam invenissemus eam auctoritate pontificali confirmavimus Et hoc regie dignitati vestre presentibus litteris duximus significandum Dominus conservet vitam et incolumitatem vestram in tempora longiora