Charter Document - 03160009
| Charter Number: | 03160009 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Extent of Lands |
| Date: | 1218 - 1236 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum inspecturis Willelmus de Bleys dei gratia Wygorniensis episcopus salutem in domino eternam Ad universitatis vestre notitiam volumus pervenire quod cum inter abbatem et conventum sancti Petri Glouc ex una parte et Robertum rectorem de Stanedish ex altera super sepultura capelle de Salle in presentia nostra aliquamdiu esset altercatum demum dicta lis in hunc modum conquievit videlicet quod nos concessimus de consensu dicti Roberti sepulturam dicte capelle ita tamen quod parochiani de Salle dabunt ecclesie de Stanedisse pro recognitione tanquam sue matrici ecclesie xii denarios annuatim ad luminare cuiusdam lampadis ardentis coram altare beati Nicholai in dicta ecclesia duobus parochianis dicte ecclesie de Stanedis de consensu partium ad hoc constitutis persolvendos quolibet anno ad nativitatem beate Marie in recognitionem etiam iuris matricis ecclesie de Stanedis unusquisque maritus et uxor de parochia de Salle quolibet anno visitabunt dictam ecclesiam ad festum beati Nicholai vel infra octabas beati Nicholai sicut alii parochiani Item ad fabricam dicte ecclesie de Stanedis dicti parochiani de Salle una cum aliis parochianis de Staned auxilium conferent rationabile Ut autem dicta compositio rata permaneat et inconcussa presenti scripto in modo cirographi confecto una cum sigillis partium hinc inde appositis sigillum nostrum duximus apponendum cuius unam partem dicti abbas et conventus penes se retinuerunt alteram vero partem Robertus penes se retinuit Hiis testibus magistro Huberto tunc officiali Iohanne capellano et aliis