Charter Document - 03160006
| Charter Number: | 03160006 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1222 - 1236 |
| Date type: | Assigned |
| Resource Link(s): |
|
Charter:
Universis Cristi fidelibus presens scriptum inspecturis vel audituris W divina permissione Wigorn episcopus eternam in domino salutem Ad universitatis vestre notitiam volumus pervenire quod cum mota super quibusdam articulis controversia inter abbatem et conventum Cyrenc ad dictam domum accederemus visitationem nostram pro debito officii nostri facturi de consilio virorum religiosorum et in observancia religionis approbatorum nobis assidentium tam de consensu abbatis quam conventus dicte domus ordinationem in ipsa domo faciendam ita providimus videlicet quod omnes certi redditus ad dictam domum pertinentes item omnes denarii de venditionibus quibuscumque bonorum ipsius domus provenientes preterea omnes proventus altarium ecclesie sancti Iohannis baptiste de Cyrenc in archa communi duobus canonicis fidelibus et discretis de eadem domo per abbatem et conventum ad hoc electis sub dupplici sera eisdem commissa reponantur et ad mandatum vel preceptum abbatis in usus fratrum et sustentationem domus sine difficultate et contradictione expendantur ita tamen quod xxx libre salvo et integre reserventur domino regi annuatim solvende pro firma ville de Cyr cum pertinentiis Preterea capellanus ipsius abbatis coram capitulo vel senioribus capituli ad hoc deputatis computationem suam de omnibus perceptis ipsius abbatis terminis ei ad hoc assignatis reddet fideliter Facta est autem hec provisio salvis in omnibus constitutionibus in concilio Oxon promulgatis