Charter Document - 03159207

Omnibus Cristi fidelibus ad quos presens scriptum pervenerit I abbas et conventus Montis sancti Michaelis de periculo maris eternam in domino salutem Nos attendentes devotionem quam magister Rogerus de Winesh semper habuit ad ecclesiam nostram concessimus ei quinque marcas argenti et dimidiam de pensione quam solebamus percipere de obventione altaris de Sithemung et de pensione quam solvit nobis vicarius eiusdem ecclesie annuatim reddendas ad quatuor anni terminos et residuum quod ibi non sufficit ad solutionem predictarum quinque marcarum et dimidie in decimis eiusdem ecclesie per manum prioris vel procuratoris qui in Otrinton fuerit constitutus Ita quod nisi ad voluntatem suam in predictis terminis ei fuerit satisfactum reddemus ei de qualibet marca aliam marcam nomine pene Ita quod omne dampnum quodcumque poterit ei contingere de solutione ad predictos terminos non facta sine contradictione ei prestabimus Volumus etiam ad maiorem eius securitatem quod si de predicta summa et de pena prescripta ei non fuerit plenarie satisfactum habeat plenam possessionem et potestatem decimarum bladi de Sithemung post collectionem illarum per manum prioris vel procuratoris Otrint factam vendendi et disponendi sicut de ceteris rebus suis quousque satisfactum fuerit tam de summa predicta quam de pena Ita quod domino Exoniensi et capitulo si sedes vacaverit et archidiacono eiusdem loci plenam damus potestatem nos compellendi ad huius solutionis et conventionis observationem absque contradictione et appellatione Attornamus autem has predictas quinque marcas et dimidiam quas debet recipere tam de pensione quam de decimis ecclesie de Sithemung et sex marcas et dimidiam quas solebat nobis reddere de pensione ecclesie de Wddebir domino Exoniensi et capitulo quietum eum clamantes ab omni obligatione