Charter Document - 03159170
| Charter Number: | 03159170 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1188 - 1189 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus fidelibus ad quos presens scripture pervenerit frater I dictus prior Plimton et totus eiusdem ecclesie conventus salutem in domino Noverit universitas vestra quod cum controversia inter nos et Iohannem Sor super advocatione ecclesie sancti Iusti coram iusticiariis domini regis diutius fuisset agitata tandem iusticiariis consentientibus hoc fine sopita est Concessimus scilicet quod prefatus Iohannes et heredes sui de cetero clericum idoneum quemcumque voluerint nobis et successoribus nostris presentabunt et postea nos simul cum ipso I vel heredibus suis eundem clericum dioecesano episcopo vel eius officialibus presentabimus accepta prius ab eodem clerico cautione iuratoria quod ipse annuatim fideliter solvet nobis et ecclesie nostre de Plimtona unam marcam argenti de predicta ecclesia sancti Iusti ad festum sancti Michaelis post decessum scilicet Aluredi presbiteri tunc eiusdem ecclesie vicarii Quamdiu enim ille Aluredus vixerit clericus presentatus dimidiam marcam solvet nobis ad eundem terminum annuatim Preterea iam dictus Iohannes fide mediante et heredes sui tenentur quod ipse I vel heredes sui nullum clericum ad sepedictam ecclesiam sancti Iusti poterunt presentare nisi quilibet presentatus idoneam cautionem prestiterit quod ipse annuatim solvet quiete nobis et successoribus nostris in perpetuum predictam marcam argenti ad suprascriptum terminum sancti Michaelis