Charter Document - 03153201
| Charter Number: | 03153201 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1194 - 1202 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scripture pervenerit H dei gratia Exoniensis episcopus salutem in domino Ad universitatis vestre perveniat notitiam quod cum controversia versabatur inter dilectos filios nostros W priorem et canonicos de Lanstavaton et Adam Treuthem clericum super ecclesia de Egioskery partibus in presentia nostra constitutis coram viris et legitimis et iurisperitis sub hac pacis forma conquievit videlicet quod idem A omni iuri quod in dicta ecclesia vel aliis reditibus canonicorum sibi vendicabat penitus renuntiavit tam iuramento quam fidei interpositione promittens quod numquam ipsos canonicos aut possessiones suas super aliquibus imposterum vexabit aut procurabit set ad negotia domus sue agenda et expedienda omnem operam et sollicitudinem pro posse suo impendet Prior vero et dicti canonici ipsum A in domum suam fratrem susceperunt ita quod ubicumque habitasset unius canonici corrodium concesserunt continuum et etiam cum ad religionis sue habitum migrare voluerit sicut unus ex canonicis benigne suscipietur Promiserunt etiam ipsi canonici quod si sepedictus A aliqua ductus necessitate in domo sua per viii vel xv dies penes eos moram fecerit ipsi eidem necessaria sicut uni ex confratribus suis sufficienter ministrabunt ita tamen quod sibi et homini suo et equo sufficientem habeat sustentationem Hanc vero conventionem fideliter observandam utraque pars iuramento prestito et fidei religione interposita promisit Quia ergo veritati testimonium perhibere tenemur hanc conventionem presentis scripti serie et sigilli nostri appositione duximus corroborandam Hiis testibus Guar[ino] Cicestr canonico Willelmo clerico de Swyndon Serlone et Iohanne de Lungefeir capellanis [] et multis aliis