Charter Document - 03151326
| Charter Number: | 03151326 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Acceptance |
| Date: | 1257 |
| Date type: | Internal, A.D., Calendar |
| Resource Link(s): |
|
Charter:
Serenissimo domino suo Henrico dei gratia illustri regi Anglie domino Hybernie duci Normannie Aquitannie et comiti Andegavie Robertus miseratione divina Exoniensis ecclesie minister humilis salutem in eo qui dat regibus salutem et de inimicis triumphum Monasterio de Tavistochia pastoris solatio per resignationem fratris Roberti de Kytecnolle quondam abbatis loci eiusdem destitute monachis ipsius loci fratrem Henricum de Norhampton cellerarium sancti Salvatoris de Bermondeshey petita et obtenta licentia in pastorem suum et abbatem unanimiter postulantibus nobisque postmodum predicta postulatione per quosdam fratres dicti monasterii presentata et diligenter prout decuit tam in forma postulationis quam in persona electi secundum formam iuris examinata quia credidimus postulationem predicti Henrici ad predictum monasterium Tavistochie tam in spiritualibus quam temporalibus regimen utilem esse et ydoneum postulatione de ipso facte pium prebuimus assensum et eandem divine caritatis intuitu et mandati vestri nobis litteratorie nuper directi interventu auctoritate pontificali confirmantes Hinc est quod vestram regiam celsitudinem spirituali affectione duximus exorandam quatinus supradicto Henrico divini nominis intuitu omnia ea que ad vestram maiestatem pertinent quantum ad temporalia sepe dicti monasterii gratiam et favorem benignum impendere dignemini Valeat vestra regia clementia per tempora longa Datum apud Ferendun tertio nonas Septembris anno domini millesimo ducentesimo quinquagesimo septimo