Charter Document - 03151207
| Charter Number: | 03151207 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1199 |
| Date type: | Internal, Episcopal, Feast |
| Resource Link(s): |
|
Charter:
Omnibus Cristi fidelibus ad quos presens scriptum pervenerit H dei gratia Exoniensis episcopus salutem in domino Noverit universitas vestra quod hec est transactio facta coram nobis anno consecrationis nostre sexto in octavis sancti Laurentii inter ecclesiam de Pilton de consensu Rad tunc eiusdem loci prioris et monachorum ibidem deo servientium et leprosos de Pilton sopitis hinc inde omnibus querelis et exactionibus videlicet quod dicti leprosi reddent annuatim ecclesie de Pilton in die sancte Margarete duas libras cere et si due libre cere cariores fuerint sex denariis reddent sex denarios pro duabus libris cere Reddent etiam annuatim in die pasche eidem ecclesie de Pilton duodecim denarios Predictis autem leprosis omnes obventiones capelle sancte Margarete cum integritate remanebunt in perpetuum Quicumque etiam prior fuerit de Pilton nichil exiget ab eisdem leprosis neque in introitu domus neque in ultimo articulo mortis nisi quod ipsi dicte ecclesie de Pilton gratis conferre voluerint sicut parrochiani Monachi autem dicte ecclesie intuitu divino in die pasche et die veneris in parasceven et die sancte Margarete dictis leprosis celebrationem divinorum plenarie ministrabunt Ortus etiam qui est de feudo Pilton ipsis leprosis sub prefata pensione in perpetuum remanebit Et ut hec transactio rata et inconvulsa in posterum permaneat eam tam scripti quam sigilli nostri testimonio corroboravimus Hiis testibus W de Svind canonico Exon R de Winkel offic Bardestapl magistro H de Wilton magistro G de Sutton G decano de Okement Henrico de Eling Gileberto et Benedicto clericis nostris Stephano clerico Reginaldo Beaupeil Ricardo de Forca et multis aliis