Charter Document - 03150321
| Charter Number: | 03150321 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1246 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Ricardus miseracione divina Exoniensis ecclesie minister humilis salutem in domino Noverit universitas vestra nos divini amoris intuitu capituli nostri Exoniensis interveniente consensu ecclesiam de sancta Breaca cum capellis ad eandem pertinentibus et omnibus aliis pertinenciis suis de consensu et voluntate expressa nobilis viri Ricardi comitis Cornub dictarum ecclesie et capellarum veri patroni dilectis filiis abbati et conventui de Heyles ordinis Cistertient in proprios usus dedisse concessisse et pontificali auctoritate confirmasse salva vicaria ad estimacionem decem marcarum perpetuo vicario memorate ecclesie deservienti in ordine quem ecclesie cura requirit assignanda Qui quidem vicarius honera debita et consueta episcopalia et archidiaconalia sustinebit salvo etiam nobis et successoribus nostris iure episcopali in omnibus Prefati vero abbas et conventus ad memoratam vicariam cum eam vacare contigerit virum idoneum loci dioecesano presentabunt Decrevimus autem quod nostra taxatio firma sit et stabilis perpetuis temporibus ne per nos sive per nostros successores quoquo modo possit augeri vel minui sed eadem sic vicarius remaneat contentus nichil amplius volens vendicare nomine vicarie in ibidem In cuius rei testimonium sigillum nostrum una cum sigillo capituli Exoniensis presenti scripto fecimus apponi Dat apud Bellum Locum Regis anno gratie millesimo ducentesimo quadragesimo sexto quarto decimo kalendas Iulii consecracionis nostre primo