Charter Document - 03150314
| Charter Number: | 03150314 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1232 - 1244 |
| Date type: | Assigned |
| Resource Link(s): |
|
Charter:
Universis Cristi fidelibus has literas visuris vel audituris Willelmus miseratione divina Exoniensis ecclesie minister humilis salutem eternam in domino Noverit universitas vestra nos ratam et gratam habere collationem et concessionem custodie terrarum omnium quas Andreas filius Ricardi de nobis tenuit cum omnibus pertinentibus et cum advocatione ecclesiarum sancte Columbe et de Lanhern et cum maritagio heredum eiusdem Andree factam dilecto nostro Laurencio filio Ricardi a dilecto in Cristo filio Bartholomeo archidiacono tunc vices nostras gerente prout eiusdem B archidiaconi Exon carta eidem Laurencio super hoc confecta testatur et dictas collacionem et concessionem predictorum tenore presencium confirmamus et eas eidem Laurencio usque ad tempus in dicta carta prenominati archidiaconi prefinitum warantizare tenemur contra omnes homines In cuius rei testimonium presenti scripto sigillum nostrum apponi fecimus Valete