Charter Document - 03150313
| Charter Number: | 03150313 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1243 |
| Date type: | Internal, Calendar, Episcopal |
| Resource Link(s): |
|
Charter:
Omnibus Christi fidelibus ad quos presentes litere pervenerint W[illelmus] miseratione divina Exoniensis ecclesie minister humilis eternam in domino salutem Ad universitatis vestre notitiam volumus pervenire nos de voluntate et consensu in Cristo dilectorum filiorum abbatis et conventus de Torre perpetuam vicariam in ecclesia de Tounstalle sic ordinasse seu taxasse videlicet quod vicarius qui pro tempore fuerit percipiat annuatim in dicta ecclesia per manum procuratoris abbatis et conventus septem marcas nomine vicarie ad quatuor anni terminos equis portionibus videlicet ad natale domini vel infra quindenam viginti tres solidos et quatuor denarios ad pascha sequens vel infra quindenam viginti tres solidos et quatuor denarios ad festum sancti Iohannis Baptiste vel infra quindenam viginti tres solidos et quatuor denarios et ad festum sancti Michaelis vel infra quindenam viginti tres solidos et quatuor denarios et testamenta rationabilia dicto vicario legata Vicarius qui pro tempore fuerit tenetur acquietare ecclesiam de synodalibus episcopalibus et archidiaconatibus exactionibus consuetis Et ut hec nostra ordinatio seu taxatio rata et perpetuo conservetur presens scriptum sigilli nostri munimine duximus corroborandum Dat apud Criditon v Idus Iunii anno consecrationis nostre vicesimo Hiis testibus domino [R] decano Exoniensi B archidiacono Exoniensi Thoma archidiacono Totton R cancellario Exoniensi Martino Produmme Adam canonico et Henrico capellano domini episcopi et multis aliis