Charter Document - 03150304
| Charter Number: | 03150304 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Taxation |
| Date: | 1224 - 1226 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Cristi fidelibus ad quos presentes litere pervenerint W miseratione divina Exoniensis ecclesie minister humilis eternam in domino salutem Ad universitatis vestre notitiam volumus pervenire nos de voluntate et consensu in Cristo dilectorum filiorum abbatis et conventus de Torre perpetuam vicariam in ecclesia de Bokelande sic ordinasse videlicet quod vicarius quicumque pro tempore fuerit percipiat in dicta ecclesia septem marcas argenti in denariis et duodecim acras terre de sanctuario que iacent a parte boreali ecclesie et medietatem decimarum garbarum de sanctuario quod dicti abbas et conventus ibidem excolent et testamenta rationabilia dicto vicario legata Vicarius vero tenetur acquietare ecclesiam de synodalibus episcopalibus et archidiaconalibus exactionibus consuetis et ipsam ecclesiam deservire cum uno socio Et ut hec nostra ordinatio rata et stabilis perpetuo conservetur presens scriptum sigilli nostri munimine duximus corroborandum Hiis testibus