Charter Document - 03150303
| Charter Number: | 03150303 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1224 - 1226 |
| Date type: | Assigned |
| Resource Link(s): |
Trinity College Library, Dublin - IE TCD MS 524 (f118v) |
Charter:
Universis sancte matris ecclesie filiis has literas visuris vel audituris W dei gratia Exoniensis episcopus salutem eternam in domino Noverit universitas vestra nos divine caritatis intuitu ecclesiam de Bokelanda cum omnibus pertinentiis suis vacantem quam ex dono domini W Briewer eiusdem ecclesie patroni canonici de Thorre sunt assecuti in proprios usus ecclesie sancte Trinitatis de Thorre et canonicis ibidem deo famulantibus ad eorum sustentationem et pauperum pariter ac hospitum ibidem advenientium recreationem perpetuo auctoritate episcopali et presenti carta nostra confirmasse salva competenti vicaria ad usus perpetui vicarii qui in dicta ecclesia de Bokeland divina perpetuo ministrabit ad valentiam septem marcarum taxata Et debet idem vicarius sustinere omnia consueta honera episcopalia archidiaconali[a] et parochialia Salva etiam in omnibus nostra et successorum nostrorum episcoporum Exoniensium auctoritate et ecclesie Exoniensis dignitate Hiis testibus