Charter Document - 03150300
| Charter Number: | 03150300 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1224 - 1244 |
| Date type: | Assigned |
| Resource Link(s): |
Trinity College Library, Dublin - IE TCD MS 524 (f23r) |
Charter:
W dei gratia Exoniensis ecclesie minister humilis omnibus hanc paginam inspecturis vel audituris eternam salutem in domino Noverit universitas vestra nos in generali capitulo Premonstraten inspexisse beneficiorum privilegia integre et legittime bullata que professioni ordinis Premonstraten felicis recordationis Alexander Lucius Urbanus Clemens Innocentius et Honorius summi pontifices ad totius ordinis tuitionem indulserunt Set quia tutum non est quotiens necessitas exegerit ipsa privilegia bullata circumferre propter varia que itinerantibus emergunt pericula nolentes dilectos in domino fratres de Thorre Premonstraten ordinis que in partibus transmarinis cum summa ut novimus diligentia ab omnibus custodiuntur illese privilegiorum suorum beneficiis privari presenti corum transcripto sigillum nostrum caritative duximus apponendum firmiter inhibentes ne aliquis in preiudicium huius pagine privilegiorum suorum continentis seriem temere aliquid presumat attemptare Honorius episcopus servus servorum dei dilectis filiis abbati Premonst []