Charter Document - 03150292
| Charter Number: | 03150292 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1223 - 1225 |
| Date type: | Assigned |
| Resource Link(s): |
|
Charter:
Universis sancte matris ecclesie filiis has literas visuris vel audituris Willelmus dei gratia Exoniensis episcopus salutem eternam in domino Pastoralis officii cura nos amonet immo karitas Cristi nos compellit ut domos religiosas nostre maxime cure subiectas pie in domino diligendo ipsarum calamitatibus et egestatibus condolentes pia ac paterna affectione solatiis ipsarum et relevationibus solicite ac misericorditer intendamus Unde cum domus de Tavistok multis hactenus pressuris fuerit depressa et quandoque per incuriam propriorum pastorum ita adnichilata ut vix de ipsius relevatione spes haberetur nos ad ipsius domus relevationem et hospitum pariter et pauperum ibidem advenientium recreationem divini amoris intuitu ecclesiam de Abbedeshame vacantem in qua ius habuerunt patronatus abbas Tavistok et eiusdem loci conventus cum omnibus suis pertinentiis ipsis in proprios usus concedimus et auctoritate episcopali confirmamus salva tamen vicaria honesta in eadem ecclesia assignanda iuxta facultates ecclesie vicario perpetuo qui in eadem divina perpetuo ministrabit salva etiam in omnibus nostra et successorum nostrorum et ecclesie Exoniensis dignitate Ut igitur hec nostra concessio robur in posterum firmitatis obtineat ipsam scripti presentis testimonio et sigilli nostri appositione corroboravimus Hiis testibus B archidiacono Totton magistro Rogero de Winkaleg magistro Martino tunc officiali domino Nicholao monacho et capellano Radulfo de Ilstinton Martino Prodome et Beniamin clericis et multis aliis