Charter Document - 03150291
| Charter Number: | 03150291 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis has literas visuris vel audituris Willelmus dei gratia Exoniensis episcopus salutem eternam in domino Pastoralis officii cura nos ammonet subditis nostris pie ac regulariter viventibus ne paupertatis sarcina deficiant ac inedia macerati torpeant consolationis misericorditer impendere beneficia ut per nostram consolationem melius et fortius in divinis obsequiis valeant respirare Nos igitur bonis benefacere cupientes habito respectu ad paupertatem domus Tavistoch divini amoris intuitu de consensu capituli nostri Exoniensis deo et beate Marie et sancto Rumono et ecclesie Tavistoch ac monachis ibidem deo devote famulantibus ecclesiam de Hatherlegea cum omnibus pertinentiis suis in perpetuum auctoritate episcopali in proprios usus confirmamus in corporalem possessionem eiusdem ecclesie cum universis suis pertinentiis Iohannem abbatem Tavistoch nomine universitatis inducentes salva tamen in omnibus auctoritate nostra et successorum nostrorum et ecclesie dignitate Exoniensis Ut autem que a nobis rite et canonice facta sunt futuris temporibus firmitatem obtineant presentem paginam in facti nostri testimonium sigillo nostro roboravimus Hiis testibus domino Stephano Cantuariensi archiepiscopo domino W Briwer magistro Roberto de Pennes magistro Waltero de Sumercotes magistro Andrea de Cromdene magistro Waltero de Beanton magistro Ada de Hoo domino Willelmo capellano Beniamin et Nicholao clericis et aliis Dat apud Donekeswille xv kal Octobris consecrationis nostre anno ii