Charter Document - 03150286
| Charter Number: | 03150286 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1236 |
| Date type: | Internal, A.D., Episcopal, Feast |
| Resource Link(s): |
|
Charter:
Universis Cristi fidelibus ad quos presens scriptum pervenerit Willelmus miseratione divina Exoniensis episcopus eternam in domino salutem Noveritis nos pro nobis et successoribus nostris concessisse et hac carta nostra confirmasse probis hominibus nostris burgensibus de Penryn et heredibus suis vel assignatis quod burgagia sua libere de nobis teneant et pro qualibet acra integra et debito modo mensurata reddant nobis et successoribus nostris duodecim denarios de redditu per annum ad duos terminos videlicet in festo omnium sanctorum et in kalendis Maii pro equis portionibus pro omni servitio Concessimus etiam eisdem burgensibus nostris quod cum ipsis cedentibus vel decedentibus antedicta burgagia debeantur releviari pro qualibet acra integra reddant nobis et successoribus nostris duodecim denarios Qui autem maius et qui minus tenuerint consimiliter tam de redditu quam de relevio reddant secundum quantitatem tenementorum que optinuerint Et si in misericordiam nostram vel successorum nostrorum per iudicium curie rationabiliter inciderint dabunt nobis vel successoribus nostris sex denarios de emenda pro qualibet misericordia nisi forte quod absit in nos vel in aliquem ballivorum nostrorum ausu temerario manus iniecerint violentas Quare volumus et precipimus quod predicti burgenses nostri omnia supradicta habeant et possideant cum omnibus libertatibus et liberis consuetudinibus imperpetuum Quod ut ratum et stabile temporibus futuris perseveret presenti pagine sigillum nostrum duximus apponendum Dat apud Penryn die decollationis beati Iohannis baptiste anno gratie MCCXXX sexto consecrationis nostre anno tertio decimo