Charter Document - 03150282
| Charter Number: | 03150282 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1236 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Cristi fidelibus ad quos presens scriptum pervenerit Willelmus miseratione divina Exoniensis ecclesie minister humilis eternam in domino salutem Cupientes ecclesiam sancte Nonne in Cornubia usibus illis integre cedere ad quos eam provida deliberatione duximus deputandam nolentes etiam cellulam sancti Cirici quacumque ratione defraudari que singulis annis de dicta ecclesia sex marcas quatuor solidos et tres obolos consuevit recipere nos divine caritatis intuitu de capituli nostri consensu dedimus eidem cellule et concessimus quinque marcas de bonis episcopales nostri solvendas eidem singulis annis pro equis portionibus ad eosdem terminos quibus dictam pensionem sex marcarum quatuor solidorum et trium obolorum recipere consuevit donec eidem fuerit per nos vel aliquem successorum nostrorum competentius vel eque provisum quod quidem facere tenemur quamcito poterimus comode Et ut hec nostra collatio futuris temporibus rata et inconcussa permaneat presens scriptum sigilli nostri necnon et decani et capituli cathedralis sigillorum munimine fecimus roborari Dat Exon anno gratie MCCXXX sexto pridie kal Iunii consecrationis nostre anno xiii