Charter Document - 03150281

Universis Cristi fidelibus ad quos presens scriptum pervenerit Willelmus divina miseratione Exoniensis ecclesie minister humilis eternam in domino salutem Noveritis nos caritatis intuitu dedisse et concessisse deo et ecclesie beatorum apostolorum Petri et Pauli de Monte Acuto et monachis ibidem deo servientibus quod ecclesie subscripte absque omni diminutione cum suis portionibus in proprios eorum usus convertantur salvis earumdem vicariis per nos taxatis Videlicet sancti Nioti ecclesia salva vicaria centum solidorum in sanctuario et altilagio et aliis rebus fideli estimatione taxanda ita quod decedente Rogero capellano nune residente taxetur vicaria per priorem et alios fide dignos sicut prenotatum est Ecclesia sancti Vep salva vicaria vicario perpetuo qui procuretur in mensa prioris sancti Cirici et habeat de evectionibus prioris ad visitandos infirmos et ad alios ecclesie usus necessarios et habeat domum iuxta ecclesiam cum curtilagio habeat etiam duas marcas et dimidiam ad se vestiendum et sustinendum omnia onera episcopalia et archidiaconalia Item medietas ecclesie de Ermingtone salva vicaria quinque marcarum in altilagio et provideatur vicario in domo competenti Et ecclesia de Legha salva vicaria vicario cui cedant domos persone cum sanctuario et altilagio et cum una marcata bladi per fideles estimata Ecclesia vero de Holecumba salva vicaria cedat monachis de Kerswell inperpetuum scilicet manso et curtilagio Ricardi vicarii et preterea sex marcis in altilagio Prior vero et conventus ad vicarias pretaxatas nobis et successoribus nostris ydonios vicarios pro tempore presentabunt qui de eisdem episcopo et archidiacono et eorum officialibus respondebunt et omnia onera episcopalia et archidiaconalia sustinebunt et obedientias facient quas rectores dictarum ecclesiarum antea facere consueverunt priore et monachis in suis libertatibus et privilegiis plenarie permanentibus cum ratione dictarum ecclesiarum ad eorundem usus deputarem nichil penitus debeat dictis monachis servitutis vel subiectionis accrescere Ad extraordinaria vero onera vel superinducta si forsan accreverint monachis iniuste non parentibus dictarum ecclesiarum sequestratione compescantur Ut autem ea que per nos sunt salubriter ordinata nullo quorumlibet labefactentur incursu auctoritate gloriose virginis et beatorum apostolorum Petri et Pauli et Exoniensis ecclesie cui auctore deo presidemus de consensu capituli nostri cathedralis eisdem monachis duximus indulgendum ut cedentibus vel decedentibus dictarum ecclesiarum rectoribus vel vicariis in possessiones dictarum ecclesiarum ingrediantur et in pace possideant salvis vicariis nobis et successoribus nostris a priore Montis Acuti presentandis ad vicarias pretaxatas quas de consensu capituli nostri volumus in perpetua firmitate consistere Nos enim dictos priorem et monachos in plenaria possessione sua et privilegiorum libertate tueri tenemur et fovere Ut autem ea que prescripta sunt bona fide serventur in posterum presenti scripto sigillum nostrum duximus apponendum Dat Exon anno gratie M ducentesimo tricesimo sexto consecrationis nostre anno tertio decimo