Charter Document - 03150260
| Charter Number: | 03150260 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1242 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos littere presentes pervenerint Willelmus divina miseratione Exoniensis ecclesie minister humilis eternam in domino salutem Noverit universitas vestra nos diligentissime pensatis et consideratis dignitate et onere thesaurarie ecclesie nostre Exoniensis volentes eam in hac parte temporibus nostris prout decet relevare concessisse ecclesiam manerii nostri de Nimeton cum omnibus pertinentiis suis dicte thesaurarie necnon et thesaurario qui pro tempore fuerit perpetuo habendam et possidendam salva in eadem vicarii sustentatione qui omnia onera tam spiritualia quam temporalia sustinebit qui etiam nobis et successoribus nostris a thesaurario qui pro tempore fuerit erit presentandus In cuius rei testimonium presentibus litteris sigillum nostrum apponi fecimus Dat apud Torre xviii kal Maii anno consecrationis nostre xviii