Charter Document - 03150259
| Charter Number: | 03150259 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Confirmation, Grant |
| Date: | 1244 |
| Date type: | Internal, A.D., Episcopal |
| Resource Link(s): |
|
Charter:
Omnibus Cristi fidelibus presentem cartam visuris vel audituris Willelmus miseratione divina Exoniensis ecclesie minister humilis salutem in domino Noverit universitas vestra quod cum bone memorie magister Radulfus Cole in vita decederet et in testamento suo coram nobis per testes ydoneos legitime probato reperiretur dictum magistrum Radulfum terram suam cum domibus et edificiis quam habuit in civitate Exoniensi prope ecclesiam sancti Stephani Ricardo Cole persone ecclesie de Kentelesbere fratri suo in testamento predicto assignavisse idem Ricardus in presentia nostra constitutus gratis et propria voluntate omni iuri quod in eadem terra cum pertinentiis habuit precise renuntiavit supponendo eas nostre voluntati et ordinationi coram dilectis in Cristo filiis dominis R de Ilstincton T et W Totton et Barn archidiaconis magistro I de Sancto Gurano R de Thoriz dominis W de Curiton et Thoma de Wera clericis dominis Hereberto de Pym R de Tresloske militibus Andr Terry et G Longo et pluribus aliis Nos igitur deum habentes pre oculis de consensu et instantia memorati Ricardi Cole dedimus et concessimus et hac presenti carta nostra confirmavimus dictam terram cum omnibus edificiis areis et virgultis et eorum pertinentiis ecclesie beati Petri Exon [] decano et capitulo eiusdem habendam et inperpetuum possidendam salvo usu fructu dicte terre cum domibus et suis pertinentiis dilecto in Cristo filio domino H de Cyrencestr canonico Exoniensi quam diu vixerit Et faciet dictus H annuatim nomine dictorum [] decani et capituli dominis fundi servitium inde debitum pro manu sua faciet etiam fieri annuatim idem H servitium pro defuncto debitum die anniversarii eiusdem magistri Radulfi Cole cum quanta solemnitate fieri solet pro anima magistri Ysaac in ecclesia cathedrali supradicta Et quantum prenominatus H pro defensione dicte terre et domorum in foro civili diuturnos sustinuit labores necnon et plures sumptus apposuit ut oculata fide intelleximus volumus et ordinamus ut cum idem H debitum nature persolverit dictus [] decanus et capitulum singulis annis obitum suum celebrari faciant sicut pro magistro Ysaac vel magistro H de Warewyke facere obligantur cum oneribus supradictis Ut autem hec donatio concessio et confirmatio et ordinatio robur firmitatis inperpetuum optineant presens scriptum sigilli nostri inpressione roboravimus Dat Criditon quarto idus Iunii anno domini millesimo ducentesimo quadragesimo quarto et consecrationis nostre vicesimo primo