Charter Document - 03150255
| Charter Number: | 03150255 |
|---|---|
| Cartulary Title: | Exeter 1186-1257 Volume 12 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1238 |
| Date type: | Internal, Episcopal |
| Resource Link(s): |
|
Charter:
Universis Cristi fidelibus presentem cartam inspecturis Willelmus miseratione divina Exoniensis episcopus salutem in domino Noveritis nos divine pietatis intuitu dedisse concessisse et hac carta nostra confirmasse ecclesiam sancti Wynnoci in Cornubia cum omnibus pertinenciis suis tam in temporalibus quam spiritualibus magistro I de Kilkenny eiusdem ecclesie rectore cedente vel decedente pleno iure in perpetuum possidendam ab omni exactione petitione censu et omnibus aliis ius episcopale et archidiaconale contingentibus liberam et quietam convertendam in proprios usus viginti quatuor canonicorum viginti quatuor antiquarum prebendarum Exoniensis ecclesie Ut autem hec nostra donatio et concessio in perpetuum robur obtineant firmitatis presentem cartam sigilli nostri impressione fecimus roborari anno consecrationis nostre quintodecimo mense Iulii Hiis testibus Petro Wimundi precentore ecclesie de Crideton Henrico capellano eiusdem ecclesie thesaurario Beniamin magistro Willelmo de Coriton Radulfo de Simbne canonicis ecclesie predicte et aliis